Ayşe Saduna 67 serre Dêrik de dadîya xo ra bîya. Ayşe wexto ke domane bîya tedaya rejîmê Baasî ra bi nimitkî kurdkî musaye. 

Ayşe Sadune sembolanê têkoşînê azadîye, kurdan û Kurdîstanî serê cilan ra neqş zî kena. 

Ayşe da zanayene ke wexto ke şaîro pîl Cigerxwîn dewe bi dewe seba musnayîşê kurdkî gêrayêne ey wendişê bi kurdkî musnayo babîyê aye. Ayşe vat: ''Babîyê mi zî wendişê bi kurdkî musna mi. O çax sey nika kitabê kurdkî çin bîyê. Yew qelema mi û yew zî defterê min o qij est bi. Babîyê mi bi nimtkî wendiş û nuştişê kurdkî musnayêne mi. Dima ez zewijîya û mêrdeyê mi nêverda ke ez kitabî biwana. Heta ke o merd mi rîyê yew kitabî zî nêdî. 2003 de mêrdeyê mi wefat kerd. 30 serran ra dima ancî mi dest pê wendiş û nuştişî kerd.

Ez wazena biba mamostaya kurdkî. Ez kurdkî ra zaf hes kena. Ez bîya kokim la ewro domanê ma û tornê ma xêrê Şorişê Rojawanî ra bi rehetî ziwanê xo yê dayîke musene, nusenê û wanenê. Tîya de tornê ma bi kurdkî perwerde vînenê. Şikir ma resayî nê rojan. Çîyo ke ez hesreta ci menda ewro tornê mi birehetî eşkenê bikerê.''