Fermandarîya Pêroyîye ya Hêzanê Asayîşê Zereyî derheqê hêrişê dewleta tirke yê vera Zirganî de eşkerayîyêke daye û pare kerd ke tewr tay 30 topî kewtî herême û netîceya ney de 3 kesan dinyaya xo bedilnaye.
Fermandarîya Pêroyîye ya Hêzanê Asayîşê Zereyî derheqê hêrişê dewleta tirke yê vera Zirganî de eşkerayîyêke daye. Eşkerayîye wina ya:
''Wextêkê dergî ra nata artêşa tirke ya îşxalkere û cergê ci bajarekê Zirganî û dewanê ci danê bombayan ver. Bi nê hêrişan ê xîret kenê ke roniştoxanê herême bidê koçkerdene, Zirgan bikerê sey Efrîn, Girê Sipî û Serêkanîyê. Artêşa tirke 21ê kanûne de şan pê obus, top û moşekan bajarek da bombayan ver. Qasê 30 top kewtî Zirganî. Netîceya hêrişê barbarî de zerarêko pîl resa mulkanê sivîlan ser, camêrdêko kokim û di cinîyî şehîd bîyî û 10 sivîlî zî birîndar bîyî. Birîndarî wedarîyayî nêweşxaneyan.
Ma sey Hêzanê Asayîşê Zereyî nê kerdişan şermezar kenê û venga warê mîyanneteweyî danê ke vera barbarîya dewleta tirke bi lezî têbigêrê, leşkeranê ci vindarnê û herikîyayîşê gonîya sivîlan vindarnê.''
