34 partî û têgêrayîşan vera hêrişanê îşxalî yê dewleta tirke Qamişlo de Merkezê Şêwirmendîye û Cigêrayîşê dîplomatîkî de eşkerayîyêka hempare daye.

Eşkerayîye de dewleta tirke goreyê peymana adirbirnayîşî ya 2019î tênêgêrena û her roje herême dana bombayan ver. Eşkerayîye de ame vîrvistene ke dewleta tirke rixmê vengdayîşanê mîyanneteweyîyan zî Efrîn, Girê Sipî û Serêkanîyê zî îşxal kerdê û nê cayan de qirkerdiş, vurnayîşê demografî, bi zorî koçkerdiş kena.

Eşkerayîye wina dewam kena: ''Seba ke Neteweyê Yewbîyayeyî vera kerdişanê dewleta tirke tewirêkê xurtî nêgênê, Tirkîya wazena pêro erdê Sûrîye îşxal bikera. Tirkîya Rojhelatê Mîyanênî de sey dewletêka wehşîye têgêrena û vera şaranê herême terorî kena. Tirkîyaya ke vera DAÎŞî şer nêkerdo, Sûrîye de cabîyayîşê DAÎŞî rê hetkarîye kerda û herêmanê îşxalkerdeyan de cergê DAÎŞ û El Nusra ca kerdî.

Vera Rojawanî têgêrayîşêko newe yê leşkerî do destkewteyanê QSD û Koalîsyonê Mîyanneteweyî bivisno binê tehlukeyî. Seba ke verê hêrişanê neweyan bêro girewtene sere de Amerîka, Fransa, Îngilîstan dewletê Koalîsyonê Mîyanneteweyî, Federasyonê Rûsya wa vera Tirkîya tedbîranê zixman bigêrê û warê hewayî yê Rojawanî Tirkîya rê biqefilnê. Ma venga pêro şarê xo zî danê ke wa vera hêrişanê Tirkîya bigêrê.''