Verê Berê Sînorî yê Sêmalka de çalakîya xeyme ya şarê Rojawanî dewam kena.  Çalakîkerî wazenê ke PDK cenazayanê gerîlayanê ke dafika hêzanê PDKyî de şehîd bibîy bido. Çalakîya ewro roja 39. de ya.

Çalakîkeranê roja 38. ya çalakîya xeyme derheqê babete de ANFyî rê qisey kerd.

Endama Kongreya Starî ya qezaya Amûdê Meyada Xelîl vat: ''Heta ke PDK cenazayan teslîm bikero ma do çalakîya xo rê dewam bikerê. Ez venga PDKyî dana ke şarî kurdî rê tewirêkê raştikênî bimojno.''

Hemsereka PYDyî ya Amûdê Minewere Xalîd vat: ''Şehîdî rûmetê ma yê. Şehîdan rê nêbo dinya kurdî nêşinasnayêne. Şerm o ke ma verê sînorê Başûrî de vindenê û PDKyî ra cenazayanê xo wazenê. PDK çira cenazayan nêdano wa vajo. Ez venga şarê Başûrî dana ke vera sîyasetê Başûrî tewirê xo bimojno.''