Dewleta tirke ya îşxalkere 20ê çeleyê 2018î de Efrîn îşxal kerdbî. Şarê Efrînî û şerwananê Rojawanî vera îşxalî bi rojan xo ver da. Şerwana YPJyî Avesta Xabûr zî 27ê çeleyê 2018î de dewa Hemamî ya Cindirêsî de vera dewleta tirke ya îşxalkere çalakîyêka fedayîye kerdbî û şehîd bibî.

Şerwana YPJyî Canda Înata ke hemraya şehîde Avesta Xabûr bîya da zanayene ke aye Şehîde Avesta Tabûrê Şehîde Roksene de şinasnaya û vat: ''Ez û embaze Avesta ma pîya heta 2017î Efrîn de pîya têkoşîn kerd. Embaze Avesta tim waştêne ke biba fedayîye û vatêne 'ganî ez biba embaza Zîlane. Aye her kesî de hol pêkerdêne û tim xîret kerdêne ke bina layîqa Rayberîye. 

27ê çeleyê 2018î de embaze Avesta vera dişmenî bi çalakîya xo ya fedayîye cewabêko tewr xurt da. Îşxalê Efrînî vera haştîya şaranê Efrînî bi. Şarê Efrînî raştê qirkerdişî ameyêne. Embaze Avesta helêke zî teredut nêkerd û da dişmenî ro. Ma do qetî îxanetî qebul nêkerê. Ewro bi hezaran Avesta û Bêrîtanî rayîrê xoverdayîşî ra şinê. Şehadetê embaze Avesta ma dejnayî û hêrsê ma yê vera dişmenî zêdîna. Seba ke xeyalanê şehîde Avesta bîyarê ca û cinîyan koledarîye ra bixelisnê têkoşînê ma do dewam bikerê. Ma soz danê ke qesasê embaze Avesta bigêrê û rayîrê aye tim teqîb bikerê.''