Çalakîya Sêmalka ya ke semedê girewtişê cenazayanê gerîlayan êyê ke hetê PKDyî ra ameyî şehîdkerdene û destsernayene yena kerdene se rojî xo dima verdayî.

Hêzanê çekdaran ê PDKyî 26ê temmuze de hîrê gerîlayî daye dome ro û remnayî. Heta nika fermadar Server Serhat û wird embazanê ci ra xeberêke nêameye girewtene. Hema ke aqibetê nê gerîlayn safî nêbîyo 28-29ê tebaxe de warê Behdînanî yê Qendîlî de qefleyêkê gerîlayano bîn gina dama PDKyî ro. Qefleyî ra 6 gerîlayî şehîd bîyî yew gerîla xelisîya.

HPGyî derheqê aqibetê gerîlayan de PDKyî ra eşkerayîye waşte. Naye ser o Vervatoxê PDKyî Mahmud Muhammedî bi vatişê 'çi gureyê gerîlayan uca esto' îtîraf kerd. Badê eşkerayîya Mahmud Muhammedî keyeyanê gerîlayanê Rojawanî Tolhildan Raman û Serdem Cudîyî semedê girewtişê cenazayanê domananê xo Dezgehê Keyeyanê Şehîdan ê Rojawanî ra hetkarîye waşte.

Dezgehê Keyeyanê Şehîdan pîya bi keyeyanê şehîdan eşkerayîye daye la PDKyî cewabê eşkerayîye nêda. Naye ser Berê Sînorî yê Sêmalka de keyeyanê şehîdan  5ê teşrîna verêne ya 2021î de çalakîya xeyme dîyaye destpêkerdene. Çalakîye hetê xelêk dezgehan ra ameyî wayîrvejîyayene. Mîyanê zîyaretkerdoxan de eşîrê ereban û şêxî zî bibî. Mayanê Haştîye hîrê rey waşt ke mektûbe biresnê îdarekaranê PDKyî la her rey ameyî astengkerdene. Ciwananê ke semedê paştdayîşî çalakîyêke kerde ê zî raştê hêrişê PDKyî ameyî. PDKyî 16ê kanûne de Berê Sînorî yê  Sêmalka û 19ê kanûne de Berê Sînorî yê El Welîdî qefilna. PDK herinda dayîşê cenazayan de xeylêk rey keyeyî tehdît kerdî la merdimê şehîdan semedê girewtişê cenazayanê xo qerardar ê. Çalakîya ke se rojî xo dima verdayî heta nika hetê bi desan grûban ra ameye tepiştene roja 100. de hetê grûba Amûde ra yena domnayene.