Mayê Haştîye semedo ke cenazayanê gerîlayanê ke hetê PDKyî ra kişîyayê bigêrê mabênê Başûr û Rojawanê Kurdîstanî de verê Berê Sînorî yê Sêmalka de çalakîya xeyme kenê. Çalakîya ke 5ê teşrîna verêne de ameye destpêkerdene mengêke xo dima verdaye.

Roja 7. ya çalakîye de keyeyan sîrnorî ra ravêrtî hetê Başûrê Kurdîstanî û  derheqê waştişanê xo de mektûbeke teqdîm kerd la hema zî cewabê mektube nêame dayene. Reyna roja 16. zî cehdkerdişo winayên ame kerdene  û reyna cewab ci nêdîya. Çalakîye her roje bi grûbêka newîye yena domnayene. 5ê teşrîna peyêne de endamanê Komîteya Weşîye yê Herêma Cizîre çalakîye dewr girewte. Hemserekê Komîteya Weşîye Mustefe Keleşî ard ziwan ke heta  girewtişê cenazayan çalakîye do dewam bikero.