Fermandaranê Hêzanê Sûrîyeya Demokratîke (QSD) ra Çavreş Kobanê koordînasyonê pêroyî yê pawitişê Awbendê Tişrînî de ca geno. Çavreş Kobanê ke destpêkerdişê xoverdayîşê Tişrînî ra nata pêkewtişan de aktîf ca geno, qala xoverdayîşî kerde.

Çavreş Kobanêyî ard ziwan ke ê sey fermandar û şervanan nê xoverdayîşî rê hazir ê û nê vatî: Xora ma ge ge tewrê operasyonanê Holî bîyênî. Ma awanîya pêroyîye ra çirey nêqerfîyayî, cuyeya xo ya leşkerî tim bi hewayêkê bidîsîplînî rayra berde. Nê mabênî de ma yewîya xo naye ro û erjê xo yê manevîyî bi hewayêkê xurtî înşa kerdî. Na gamanê ma yê bingeyênan ê serkewtişî ra yewe bî.

Gama ke ma resayî awbendî ma xeylê meyîtê çeteyan dîyî. Çeteyan meyîtê xo caverdayî û remayî. Ma ewro hama zî waranê pêkewtişan de cenazayanê înan vînenê.

Çeteyê ke pabesteyê dewleta tirke yê zanaye û profesyonel nîyê, şerî ra fam nêkenê. Sey komî têgêrenê û şer kenê. Gama ke ma mudaxaleyê înan kene cade peyser remenê. Wextê şerî de eşt keyeyanê şarî ser, malê înan talan kerd. Eke dewleta tirke bi teyarayanê şerî û kişfî paştî medenayêne çeteyan ma ê dewre zaf kilmî de heme Sûrîye ra vetêne.''