Keyeyê Çimdarîye yê Heqanê Merdiman ê Sûrîye dîyar kerd ke wexto ke sivîlan çolî ra qampîrekî/sungî arê dayêne, çeteyan hêrîşê înan kerdo û nê hêrîşî de 8 sivîlî ameyê qetilkerdene û tewr tay 35 sivîlî zî birîndar bîyê.
Hêrîş Herêma Dêrazorê ra ame kerdene. Goreyê Ajansê Sanayî yê girêdayîyê Hukmatê Şamî yo, wexto ke kamyona sivîlan vîyartêne, çeteyan mayînêk teqnaya.
Ajansê Sanayî dîyar kerd ke 5 kesan dinyaya xo bedilnaya û tewr tay 40 kesî zî birîndar ê
Keyeyê Çimdarîye yê Heqanê Merdiman ê Sûrîye zî dîyar kerd ke 8 kesî merdê û tewr tay 35 kesî birîndar ê.
3 rojan ra ver zî Herêma Hama ra 2 mayînê çeteyanê DAÎŞî teqîyaybî û 10 sivîlî merdbî. Wexto ke sivîlî xo rê qampîrekî arê dayêne, bêy hedef.
Orteyê aşma sibate de Rojhelatê Humusî ra çeteyanê DAÎŞî reyna hêrîşê sivîlan kerdbî, û 68 kesî qetil kerdbî.
Qampîrekê/sungê çolê Sûrîye dinya de namdar ê û tewr baş ê. mabênê aşma sibate û nîsane de yenê arêdayene û bi fîyetêkê vayî yenê rotene.
