Kampa Multecîyan a Şehîd Rûstem Cûdîyî ya Mexmûrî binê ablûqa û ambargoyê dewleta Iraqî de ya.

Kurdîstanijan derheqê babete de dosyayêke daye Komîserîya Berze ya Multecîyan a Neteweyanê Yewîyayeyan (UNHCR) û waşt ke wa komîserîye erkanê xo bîyara ca.

Dima verê bînaya NYyî de mîtîng ame kerdene. Mîtîng de sîyasetmedar Nurettîn Turgutî qalê rewşa kampe kerd.

Bariş Yamanî nameyê ciwananê Mexmûrî ser o qisey kerd. 

Eşkerayîye de nê çîyî ameyî waştene:

-Ganî temsîlkarê kampe yê ke tepişîyayê vera bidîyê.

-Ganî statuyê multecîtîya sîyasîye bêro dayene roniştoxanê kampe.

-Wa ablûqa û ambargo biqedê.

-Ganî nasnameyê bêrê newekerdene.

-Ganî hukmatê Iraqî meseleyan bi dîyalogan çareser bikero.

Kurdîstanijan venga komelê mîyanneteweyî û Nyyî da ke wa cade mudaxeleyê ambargo û ablûqaya Mexmûrî bikerê.