Dewleta Tirkan a îşxalkere û cerganê aye 9ê teşrîna verêne ya 2019î de vera Serêkanîye û Girê Sipî dest pê  galanê îşxalî kerd, hûmarêka zêde sîvîlî qetil û keye û kargehê sîvîlan talan kerdî. Îşxalê Dewleta Tirkan ra serkewte Serêkanîye de 250 hezar sîvîlî ca û warê xo ra bîy. Sîvîlanê ke neçarî ra serkewte keyeyê xo ca verdayî, dibistananê şaristananê derdorî de ca bîy. 

Hemseroka Meclîsê Şarî yê Serêkanîye Fadîa Îbrahîm Îbrahîme dîyar kerd ke estbîyayîşê Dewleta Tirkan Vakur û Rojhelatê Sûrîye de teberê îşxalkerîye de nêno qet manayêk û vat, “Erdogan bi xeyalê candarkerdişê Dewleta Osmanî bi nameyê ‘Herêma Biemnîyete’ wazeno ke pêroyê herême îşxal bikero.  Erdogan bi qetilkerdişê sîvîlan ma neçare verdano ke koç bikerê.”

Fadîa Îbrahîme bale anite plananê qilêrin ê Dewleta Tirkan ser û vat, “Galê hovî yê Dewleta Tirkan ê vera sîvîlan hîna zî dewam kenê. Dewleta Tirkan wazena ke plananê xo yê derheqê herême de bifîyo rewac. Gefê îşxalî bi kurdan, ereban, suryanîyan, armenîyan û şaranê herême wena. Ma wazenê ke agêrîê erd û şaristanê ke baw û kalanê ma ra mendê ser.”

 'Dewleta Tirkan Wezena ke Yewîya Ma Birina'

Hemserokê Meclîsê şarî yê Serêkanîye Ferec Mihemed Kadoyî zî ard vîrî ke Serêkanîye bi pêro raameyîşanê xo şaristanêko aram bî û tede merdimî têduşt de cuwîyenê û wina dewam kerd “Pêro şaristananê Sûrîye rê mêmanperwerî kerdêne. Şaristanî de tewr problem çin bî. Ma mîyanê aramî û yewîye de bî. Dewleta Tirkan a ke wazena na yewîye birijna galê şaristanê ma kerd û gelek sîvîlî qetil kerdî. Dewleta Tirkan bi serran o ke şarê Serêkanîye rê zulm kena. Şexsê şarê kurdî de wazena ke raameyîşanê herême mîyan ra wedara.   

Heta ke cergê Dewleta Tirkan erdê ma de bê ma nêeşkenê agêrê erdê xo ser. Dewleta Tirkan fosforo sipî zî dete her tewir çekê qedexekerdeyî xebitnayî û sîvîlî qetil kerdî. Domanî zî tede galê her kesî kerd. Galanê Dewleta Tirkan ra serkewte gelek sîvîlî şehîd bî. Dewleta Tirkan DAÎŞî reyde hemkarîye kena. Dewleta ke DAÎŞî reyde hemkarîye kena gelo eşkena çi sozî bida? Mamostayê DAÎŞî Erdogan bi xo yo.”

'Teberê QSDyî de Ma Qet Hêzêk Nêwazenê'

Ferec Mihemedî bale anite xoverdayîşê vera îşxalî ser û vat, “QSD bi bedêlanê giranan herême DAÎŞî ra kerde pake. Nê oxirî de ma 12 hezarî şehîdî dayî.  Şarê Serêkanîye teba hêzanê QSDyî vera Dewleta Tirkan û faşîzmê DAÎŞî xo ver da. Şarê Serêkanîye teberê QSDyî de nêwazeno ke qet hêzêko bîn erdê ma ser o bo.  Paşta ma tena QSD, YPG û YPJ ser o rast a. Hêzê QSD vera dîktatorîya DAÎŞî û Erdoganî ma û rûmetê ma pawena. Ma erdê xo ne Erdoganî ne zî DAÎŞî rê verdanê.”