Îdareyê Xoserî yê Rojawanî bi wesîleya serrgêra 9. ya Şorişê 19ê Temmuze eşkerayîyêke daye û venga Neteweyanê Yewbîyayeyan da ke Rojawanî bişinasnê.

Eşkerayîye bi kilmî wina ya:

''Şarê Sûrîye rejîmê Sûrîye ra zaf ant û rîyê nê rejîmî ra Sûrîye bîye merkezê şerî yê Rojhelatê Mîyanênî. Şorişê 19ê Temmuza 2012î Kobanê de dest pêkerd û uja ra pêro Rojawanî rê vila bi. Nê şorişî xo rê wayûbiratîya şaran, aververdişê îdareyê komelî û yewîya komelî xo rê kerdî esas.

Şorişê 19ê Temmuze tim şerê îqtîdarbîyayîşî ra dûrî vindert la rejîm û muxalefetê Sûrîye eqsê ney seba menfaatanê xo peyê şerî de yê. Şorişê 19ê Temmuze verî Îdareyo Xoserîya Demokratîke dima zî Îdareyo Xoser ê Rojawanî awan kerd. Pê ruhê nê şorişî şarê ma sîstemê xo awan kerd, faktorê yewîye pawitî, verê terorî girewt, DAÎŞ çin kerd û  rolê girîngîya cinîyan ser o vindert.

Ma serrgêra nê şorişî de soz danê ke tim armanc û rayîrê şehîdanê demokratîkan teqîb bikerê, destkewteyanê şarê xo bipawê, sey Girê Sipî, Efrîn, Serêkanîyê herêmanê îşxalkeran bixelisnê û koçberan biaçarnê waranê înan. Ma venga pêro şaranê Rojawanî danê ke bibê yew û projeyê wayûbiratîya şaran bipawê. Ma venga pêro beşanê Sûrîye danê ke seba xelisnayîşê herêman ê îşxalkerdeyan bixebitê. Ma sey Îdareyê Xoserî amade yê ke seba ke Sûrîye de edalet û demokrasî bêrê caardene pêro terefan reyde bixebitê. 

Ma sey Îdareyê Xoserî eşkera kenê ke çareserîya Sûrîye pabesteyê bira 2254î ya Neteweyanê Yewbîyayeyan a û ma venga Neteweyanê Yewbîyayeyan danê ke herêmanê Rojawanî bişinasê. Ma Sûrîye de sîyasetê tay terefan şermezar kenê. Ma venga Neteweyanê Yewbîyayeyan danê ke herêma ma sey herêma xoser bişinasê û waştişanê şarî rê cewab bidê.''