Îdareyê Xoserî yê Rojawanî çarçewa tedbîranê vera vîrusê Korona de 23ê adare de seba 15 rojan vejîyayîşê teberî qedexe kerdbi. Îdareyî ewro pê eşkerayîyêke da zanayene ke wextê qedexeyê vejîyayîşê teberî qasê 15 rojanê bînan ame dergkerdene.

Eşkerayîye wina ya:

''Seba pawitişê menfaatanê umûmîye sey îlaweyê bira 29. ya 19.03.2020î rê Hemserekîya Meclîsê Îdareyî yê Rojawanî na bire daye:

-Wextê qedexeyê vejîyayîşê teberî goreyê bira bi hûmara 29. ya 19.03.2020î 07.03.2020î ra heta 21.04.2020î ame dergkerdene.

-Goreyê bendê 4. yê bira bi hûmara 29. ya 19.03.2020î zî dermanxaneyê zîretî û baytarîye, dikanê malzemeyanê zîretî ganî rojêke de saete 17:00 ra heta saete 01:00 akerde bibê.

-Pêro kesê eleqederê nê bireyan do bêrê zanayîşdayene.