Meclîsê Pêroyî yê Îdareyê Xoserî yê Rojawanî pêro herêmanê Rojawanî de rewşa îstîsnayîye îlan kerde.

Îdareyê Xoserî eşkerayîya xo de pare kerd ke dewleta tirke Rojawanî pê çekanê giranan, droneyanê çekdaran kena hedef û herême rê gefê îşxalî wanena. Îdareyê Xoserî vat: ''Dewleta tirke wazena herêmanê bînan ê Sûrîye îşxal bikera, demografîya herême bivurna û şarê herême bida koçkerdene. Na rewşe bi xirabî do tesîrê destkewteyanê Îdareyê Xoserî bikera, tesîrê yewîya Sûrîye û pawitişê asayîşî bikera. Dima ke dewleta tirke ya îşxalkere şerê xo yê bi rêxistinanê terorîstan de bin kewta, verê xo da Sûrîye. Coka goreyê hukmanê Îdareyê Xoserî yê Rojawanî, Meclîsê Pêroyî roja çarşemeyî kombîyayîşêko îstîsnayî kerd û tay birî girewtî.

Nê birî wina yê:

1-Herêmanê Îdareyê Xoserî yê Rojawanî de rewşa îstîsnayîye ameye îlankerdene.

2-Pêro meclîs, komîte û dezgehê Îdareyê Xoserî seba amadekerdişê plananê rewşa îstîsnayîye û gefanê serê herême bêrê agahdarkerdene.

3-Seba pawitişê şarî û herêmanê Îdareyê Xoserî pêro îmkanî wa bêrê şuxilnayene.

Ganî Meclîso Pêroyî yê Îdareyê Xoserî û meclîsê îdareyî, meclîsê sivîlî projeyanê xo de girîngîye bidê vindarnayîş û şiknayîşê gefanê serê şar û herême.''