Îdareyê Xoserî pare kerd ke hêrişanê Tirkîya de 300 hezar sivîlî neçare mendî ke koç bikê û 86 hezar hezar wendekarî zî heqê perwerdeyî ra ameyî dûrvistene. Îdareyê Xoserî vat Dewleta Tirka îşxalkere zûran kena û vana ke sivîlî agêreyî.
Îdareyê Xoser ê Vakur û Rojhelatê Sûrîye kombîyayîşê çapemenîye kerd ke Merkezê Daîreyê Têkilîyanê Teberî yê Qamişloyî de bi beşdarîya serekê Buroyê Karan û Baranê Rêxistinanê Merdiman û temsîlkaranê Heyva Sore ya Kurdîstanî ame serûberkerdene.
Beyanat hetê serekê buroyî Abdulqadir Miwehedî ra ame wendene. Beyanatê Buroyê Karan û Baran ê Rêxistinanê Merdiman wina yo: "Vera Vakur û Rojhelatê Sûrîye destpêkerdişê hêrişanê Dewleta Tirke ra nat herême ra koçkerdişêkê zêdîyayî. Hûmara koçberan resa nêzdîyê 300 hezarî. 86 hezar wendekarî zî perwerdeyî ra dûrî kewtî." Miwehedî beyenatî de eşkera kerd ke raporê ke heta nika rêxistinanê mîyanneteweyan amade kerdî zelal ê û îfade kerd ke Tirkîya bi roportajan û dokumentan zûran kena vana koçberî agêrayî.
