Îdareyê Xoserî yê Rojawanî bi eşkerayîyêke hêrişê îşxalî yê dewleta tirke û bêvengîya rayaumûmîye û hêzê koalîsyonî rexne kerdî û dîyar kerd ke armancê nê hêrişan hîrakerdişê waranê îşxalkerdeyan ê Tirkîya yo.
Îdareyê Xoserî yê Rojawanî derheqê hêrişanê dewleta tirke yê vera Rojawanî de eşkerayîyêka nuştekîye daye.
Îdareyê Xoserî eşkerayîya xo de wina vat: ''Dewleta tirke bi hawayêkê plankerdeyî hêrişê herêma ma kena. Bi droneyanê çekdaran şarê herême kena hedef. Netîceya nê hêrişan de sivîlî şehîd benê, binawanîya herême wêran bena. Vera nê hêrişan bêvengîyêka mîyanneteweyîye est a. Nê hêrişê dewleta tirke vera ma û vera pêro şaranê Sûrîye kenê kerdene. Bêvengîya Rûsya, koalîsyon û hêzanê bînan ê Sûrîye şikî virazena ke no tehlukeyêko pîl o û do alozîye giranêr bikero.
Ma venga pêro terefan danê ke mudaxeleyê hêrişanê Tirkîya bikerê. Armancê nê hêrişanê dewleta tirke provakasyon nê hîrakerdişê waranê îşxalî yo. Naye ra zêdeyêr nê hêrişî destekêkê pîlî danê DAÎŞî. Hêrişê îşxalî do raştê xoverdayîşê yewbîyayeyî yê şaranê ma bêrê, şarê ma do pêro îmkananê xo, xo ver bidê ke herême, dezgeh û destkewteyanê xo bipawê.''
