Îderayê Xoserî yê Kantonê Firatî derheqê qirkerdişê dewleta tirke yê vera Kobanê û programê Newroze de eşkerayîye daye.

Eşkerayîye de şarî rê serweşîye ame waştene û nê ameyî vatene: ''Dewleta tirke kena ke adirê Newroze, adirê azadîye bi qirkerdişan hewna bikero. Bîn şewe Kobanê de hêna qirkerdiş ame kerdene. Hêriş de eynî keyeyî ra 9 kesî şehîd bîyî û  2 kesî birîndar bîyî. Dewleta tirke ya îşxalkere bi heme metodan polîtîkaya talan û îmhayî domnena. Vera şarê Rojawanî tim sûcê şerî yenê kerdene. Rixmo ke mabênê Mazlûm Ebdî û Ahmed El Şarayî de pêkerdiş ame îmzakerdene vengê hukmatê Sûrîye nêvîyeno.

Ma sey Kantonê Firatî qirkerdişî şermezar kenê û danê pêhesnayene ke ma programê xo yê Newroze vindarnenê. Kanton de têna do 19ê adare de Eyn Îsa de  û 21ê adare Kobanê de bi waştişê azadîya Rayber Apoyî Newroze bêro pîrozkerdene. Ma veng danê şarê xo ke wa bi ruhê xoverdayîşî verê xo bidê warê Newroze.''