Îdareyê Xoserî yê Rojawanî bi wesîleya serrgêra îşxalê Efrînî eşkerayîyêke daye.

Eşkerayîye de ame vîrvistene ke dewleta tirke ya kolonyalîste 20ê çeleyê 2018î de Efrîn îşxal kerdbî û 5 serrî yo dewleta tirke û cergê ci Efrîn de vera şarî verê çimanê Konseya Ewropa û Neteweyanê Yewbîyayeyan de sûcan kenê. Îdareyê Xoserî veng da ke wa cade nê sûcî bêrê vindarneyene û mesuldaran ra hesab bêro persayene.

Îdareyê Xoserî vat: ''Ma xoverdayîşê kampan ê şarê Efrînî selam kenê. Heta ke şarê ma abigêro Efrînî têkoşînê ma do dewam bikero. Heta ke îşxalê Efrînî û îşxalê cayanê bînan ê dewleta tirke dewam bikerê krîzê Sûrîye do çareser nêbo. Ma soz danê şarê xo ke heta peynî destkewteyanê şorişî bipawê û herêmanê îşxalkerdeyan bixelisnê.''