Îdareyê Xoserî derheqê rijîyayîşê rejîmê Sûrîye de Reqa de, verê bînaya merkezîye de eşkerayîyêke daye û pare kerd ke ê amade yê ke her teref û kesî de dîyalog bikerê.

Hemsereka Meclîsê Rayberdişî yê Îdareyê Xoserî Evîne Siwêd eşkerayîye wende û vat: ''Ma pêro şaranê Sûrîye fîraz kenê.No rejîmo zalim netîceya têkoşînê şaran de rijîya. Ma seba pawitişê şarê xo bedelê pîlî dayî. Ewro zî ma masayê xo yê krîzî nayî ro û hê kenê ke meseleyan çareser bikerê.

Seke ma verî ra nata vatêne ma do tim seba yewîya Sûrîye bixebitê. Ganî meseleyî bi ziwanê dîyalogan çareser bibê. Seba ney ma venga pêro kesan û terefan danê ke ma amade yê ke bi dîyalogan meseleyanê xo çareser bikerê.''