Îdareyê Xoserî yê Rojawanî bi wesîleya serrgêra ronayîşê xoeşkerayîye daye û nê vatî:

 ‘’2011 de têgêrayîşê şarî yê Sûrîye vera politikaya dewlete, dûrîfînayîş û înkarî heme waran de sere wedarit û semedê bedilnayîşê azadîye û demokrasîyî vengayîşê rumetê merdimîye kerd. Hêzanê mîyanneteweyî û herêmî semedê qezencanê xo mudaxaleyê krîzê Sûrîye kerd.  Çar leteyanê dinya ra grûbê îslamî yê radîkalî ravêrnayî Sûrîye.  No têgêrayîşê şarî waştişê ci ra raqilna û şero gonîn da destpêkerdene. Pîya bi nê trajedi hêzê mîyannetewyîyî yê wayîrê mîrasê têkoşînî zî est bî ke projeyêko demokratik yê çareserî teqdîm kerdêne. Na çarçew e de Şorişê 19ê Temmuze 2012 de dest pêkerd.  Heme şaranê Rojawanî mîyanê nê de cayê xo girewt. Seba ke her hetî ra paştî bidê domanê xo xizmetê ameyoxê xo bikerê xo rêxistin kerd.

Rixmê heme zemtîyanê zere û teberî  21ê Çeleyê 2014î de herêmanê Cizîre, Kobanê û Efrînî de projeyê îdareyê xoserî ame îlankerdene îlankerdene.Nê îdareyê ke hetêkî ra semede îdare û xizmetê herême xebityayêne hetê bînî ra vera rêxistinanê terorî yê ke hêrişê projeyê demokratîkî kerdêne, têkoşîn kerdêne. Şaranê Rojawanî pêro pîya erdê xo pawit. Bedelê girdî ameyî dayene. Têşrîna verêne ya 2017 de verî Reqa ame xelisnayene û heta xelisnayîşê Baxozî yo ke baregeho peyên ê destê DAÎŞî de bi, têkoşînî dewam kerd. Bado ke Rojawan de xeylêk qezayî deste DAÎŞî ra ameyî girewtene 3 îdareyê xoserî û 4 îdareyê sîvîlî ameyî ronayene.

Heceyê yewkerdişê 7 îdareyan bibi. Coka 6ê êlula 2018î de Eyn Îsa de Îdarê Xoserî ame ronayene. Serrgêra çarine ya ronayîşê Îdareyê Xoserî de Sûrîye de hema pêkewtişî dewam kenê. Dejê şarî zêdîyenê û mecbur manenê erdê xo caverdê. Hetê bînî ra herême ke hetê dewleta tirke ra ameyî îşxalkerdene sûcê şerî û teberê merdimîye yenê kerdene. Rixmê ambargo û tengeyîyan seba ke Îdareyo Xoser xizmetê şarî bikero destê ci ra çi yeno keno. Ma soz danê şarê xo ke ma do heme waran de bêmabên bixebitî û herêmanê Efrîn, Serêkanîyê û Girê Sipî îşxalkeran ra azad bikerê. Ganî komelê mîyanneteweyî vera hêrişê dewleta tirke bêveng memano.’’