Dewleta tirke ya îşxalkere vera Rojawanî bombardumananê giranan kena. Îdareyê Xoserî yê Rojawanê Kurdîstanî derheqê hêrişan de eşkerayîyêke daye.

Eşkerayîye de hêrişê dewleta tirke ameyî şermezarkerdene. Îdareyê Xoserî keyeyanê şehîdan rê serweşîye waşte û pare kerd ke dewleta tirke armanc kena ke aramî û asayîşê herême biherimna. 

Îdareyê Xoserî da zanayene ke dewleta tirke qestî ra sivîlan kena hedef. Îdareyê Xoserî vat: ''Balkêş o selahîyetdarê dewleta tirke hem propagandaya qedînayîşê şerî kenê hem zî nê hêrişan danê kerdene. Bi nê hawayî dirîtîya dewleta tirke zî eşkera bîya.''

Îdareyê Xoserî venga şarê herême da ke vera hêrişan xoverdayîşê xo berzêr bikero. Îdareyê Xoserî yê Rojawanê Kurdîstanî venga komelê mîyanneteweyîy da ke vera hêrişanê dewleta tirke ya îşxalkere vengê xo vejo û cade têbigêro.

Îdareyê Xoserî venga Koalîsyonê Mîyanneteweyîy û Rûsya zî da ke erkanê xo bîyarê ca, polîtîkayanê dirîyan û bêvengîya xo ra fek vera bidê.