Rojawanê Helebî û rojhelatê Îdlîbî de pêkewtişê mabênê çeteyan û rejîmî dewam kenê. Atêşa tirke bînşewe zî sewqîyatê xo yê herême rê dewam kerd. Wezîre Karanê Teberî yê Tirkî Çavuşogluyî vat: ''Eke dîplomasî mebo, gamê ke hewce kenê do bêrê eştene.''
Rojawanê helebî û rojhelatê Îdlîbî de pêkewtişê mabênê çeteyanê ke dewleta tirkî paştî dana ci û hêzê rejîmê Sûrîye de dewam kenê.
Mabênê çeteyanê ke artêşa tirke b çekena giranan sey tanq, top û obusan paştî dana ci û hêzê rejîmê Sûrîye ke Rûsya paştî dana ci pêkewtişî yenê ciwîyayene. Vizêr pêkewtişanê herême de çeteyan helîkopterêkê Sûrîye da war û hêzanê rejîmî zî tanqêkê artêşa tirke îmha kerdbi. Hezanê rejîmî yê Sûrîye vizêr şan rojawanê Helebî de bajarekê Urm el Kubra girewte binê kontrolî.
Hete bînî ra sewqîyatê dewleta tirke yê herême dewam keno. Bînşewe bi 80 wesayîtan ra konvoyêk qezaya Reynahli ya Hatayî ra kewt Îdlîbî. Wezîre Karanê Teberî yê Tirkî Mevlut Çavuşogluyî da zanayene ke bi rojdemê Îdlîbî do roja dişemeyî heyetêk şiro Rûsya û pêvînayîşan bikero û vat: ''Eke dîplomasî mebo, gamê ke hewce kenê do bêrê eştene.''
