Hemsereka Daîreyê Karanê Teberî ya Îdareyê Xoserî Îlhame Ahmed derheqê zîyaretê hemparî ke vizêr Awbendê Tişrînî rê ame kerdene, eşkerayîye daye.

Îlhame Ahmed ard ziwan prosesê mutabakatî yo ke mabênê Hêzanê Sûrîyeya Demokratîke û îqtîdarê demdemî yê Şamî de  Heleb de dîya destpêkerdene ame merhaleyêka muhîme û vat: ''Ewro zîyareto hemparo ke Awbendê Tişrînî rê ame kerdene semedê temamkerdişê mutabakatê ke Heleb de ame destpêkerdene gamêka muhîma.''

Îlhame Ahmed îfade kerd ke averşîyayîşî têna semedê dîyalogê wird hetan ney, semedê heme sûrîyeyîjan înşayê ameyoxê hempar û demokratîkî hedef keno û vat:'' Na game semedê temamkerdişê mutabakatê mabênê wird hetan û înşakerdişê Sûrîyeya newî rayîr akena.''

Selahîyetdaran vat proses do herêmanê cîya cîyayan de bi gamanê hemparan ê winayênan dewam bikero û rojanê verê ma de eşkerayîye bînî bêrê.

Vizêr Hêzanê Koalîsyonê Mîyannetewîyî û heyetêkê îqtîdarê Şamî Awbendê Tişrînî zîyaret kerdbi.