Îsraîlî hêriş berd serê hêzanê Îranî yê ke Şam de yê

Medyaya cayîye ya Sûrîye da zanayene ke nizdê paytextê Sûrîye Şam de vengê teqîyayîşêkê pîlî ameyo. Yeno vatene sîstemê pawitişî yê hewayîyî yê Sûrîye cewab dayo hêrişê Îsraîlî.

Goreyê xebera SANA ya ke hayîdarîyanê xo sepernena çimeyanê eskerîyan, sîstemê pawitişî yê hewayîyî yê Şamî cewab da hêrişê hewayî yê Îsraîlî yê başûrê bajarî.

Ame zanayene hêrişî goreyê wextê herêmîyî saet 01:15 de dest pêkerdo. Hêzanê pawitişî yê Îsraîlî zî eşkera kerd ke “Hêzê Îranî yê ke serê sînorî de yê ameyî pirodayene.”