Artêşa tirke ya îşxalkere û cergê ci sûc û binpaykerdişanê vera sivîlanê herêma Rojawanî dewam kenê. Goreyê xebera ajansê Hawarî (ANHA) cerganê dewleta tirke Salîh Şiblîyo ke dewa Hiwêca ya Girê Sipî ra yo bi bahaneya bazarîya QSDyî kişt.

Ame parekerdene ke cergan Salîh Şiblî çend rojî vera cû remnabi û dima ci rê îşkence kerd û di rojî verê cû zî o kişt. Cergan vera keyeyê Şiblîyî zaf zorbazîye kerde, xeylêk ferdê keyeyî tepiştî û kerd ke keye koç bikero û keyeyê înan rijna.