Şarê Şedadê û Kobanê hêrişê rejîmê Şamî û cerganê Dîfa El Wetanî yê vera Dêra Zorê şermezar kerdî û paştî dayê QSDyî.

Kobanê de bi seyan kesan ver bi Meydanê Haştîye rayraşîyayîşêk kerd.Tîya de Hetkara Hemserekanê Meclîsê Rayberdişî yê Kantonê Firatî Mizgîne Xelîl tîya de ard ziwan ke ê tim hetê xoverdayîşê şarê DÊra Zorê û QSDyî de yê. 

Şedadê, Erîşe, Mergede, Ebûfas û Ebdan de zî bi rayraşîyayîşan hêrişê vera Dêra Zorê ameyî şermezarkerdene. Qiseykerdişan de ame vatene ke rejîmê Şamî keno ke aramîya herême biherimno la şarê Rojawanî tim hetê QSDyî de yo. Çalakîyî bi sloganan qedîyayî.