Bi seyan kesan herêma Cizîre de ver bi merkezê Koalîsyonê Mîyanneteweyîyî yê Rimêlanî rayraşîyayîş kerd. Girseyo ke Çilaxa, Rimêlan, Girkê Legê û Dêrikî ra şîbî Meydanê Şehîd Xebatî de kom bi û eşkerayîye daye çapemenîye.

Endamê Buroyê Enerjî yê Herêma Cizîre Ebdulezîz Yusufî eşkerayîye wende û hêrişê dewleta tirke ya îşxalkere yê vera Rojawanî şermezar kerdî. Yusufî hêrişê dewleta tirke sey hêrişanê terorîstan pênase kerdê. Yusufî venga Konseya Neteweyanê Yewbîyayeyan û Koalîsyonê Mîyanneteweyîyî da ke wa vera nê terorî cade bigêrê û warê hewayî yê Rojawanî Tirkîya rê biqefilnê.

Eşkerayîye ra dima girse şi merkezê Koalîsyonê Mîyanneteweyîyî yê dewa Sikêrîyê. Tîya de girseyî selahîyetdaranê koalîsyonî reyde pêvînayîş kerd. Girseyî dosyayêke pêşkêşê selahîyetdaran kerd.