Çalakîya xeyme ya Sêmalka ke seba ke PDK cenazayanê gerîlayan bido dîyaye destpêkerdene di mengî xo dima verdayî. Çalakîya ke hetê Dayîkanê Haştîye û xeylêk dezgeh û sazgehan ra yena rayraberdene hetê heme şaranê Rojawanî ra yena wayîrvejîyayene.Çalakîye hetê endamanê Meclîsê Tirbesîye ra ameye dewrgirewtene.  Pîya bi kurdan erebî zî çalakîye de cayê xo genê.

Çalakwan Alî Muhammedî vat: ''Hukmatê Başûrê Kurdîstanî cenazayan nêdano keyeyanê ci. Ma heta girewtişê cenazayan do çalakîya xo bidomnê. Şehîdan semedê heme şaran  û erdê xo ganê xo feda kerd. Ganî heme şarê herême wayîrê şehîdanê xo vejîyo.''

Çalakwano bîn Said El Habibî zî vat: ''Ma ewro pîya wayûbirayanê xo yê kurdan semedê şeref û anorî tîya de yê. PDKyî gerîlayî şehîd kerdî û dest nayo cenazayanê înan ser. Ma cenazayanê xo wazenê û ma do înan ra bîgirê. Wa şarê erebî zafêr wayîr çalakîye vejîyo, na çalakîya heqdare de cayê xo bîgiro.''