Şarê Kobane dewrîyeya Tirk-Rûsan da kerrayan ver

Çarçewa peymana mabênê Dewleta Tirkan a îşxalkere û Rûsya de, hêzanê Tirkan-Rûsya rojhelatê Kobane de dest pê dewrîye kerd. Hemwelatîyanê Kobane konvoya dewrîye da kerreyan ver.

Çarçewa peymana 22ê teşrîna peyêne de ke mabênê Tirkîya û Rûsya de amebî îmzakerdene, rojawanê Kurdistanî de Tirkîya û Rûsya dest pê dewrîye kerd.

Konvoya Rûsan a ke 7 wesayîtan ra yena meydan, ver bi dewa Marîs Meyle ra 7 km dekewte rojawanê şaristanî. Tirkî zî bi 7 wesayîtan kewtî dewrîye. Teyarayêka keşfî ya bêmerdime ya Rûsan zî asmên de dewrîye gêraye. Dewrîyeya hempare yaTirkan û Rûsan dima ver bi rojhelatî kewt rayîr, ver bi dewa Qeremoxî ya 16 km dekewt rojhelatê Kobane. Hemwelatîyanê dewa Qeremoxî dewrîyeyo hempar ê Tirkan da kerrayan ver. Konvoye zaf cayan de ameye protestokerdene. Dewijan rayîr ser o nuştibi 'Erdogan sucdar o' ke zaf balkêş bi. Şarî konvoye dewa Qeremoyî ra heta merkezê şaristanî daye kerrayan û hacetanê cîyayan ver. Wexto ke dewrîye dewe ra vîyartêne, hemwelatîyan tîlîlîyê xo berz kerdî û sloganê 'Biciwîyo Serek Apo' vat.