Artêşa Tirkan a îşxalkere û leşkeranê rûsan roja sêşemeyî Marîs Mîle ra ver bi rojhelatê Kobane dest pê dewrîyeya hempare kerde.

Şarê Kobane yo ke konvoya tirkan ê îşxalkeran erdê xo de nêwazeno, konvoye eşte kerrayan ver. Roja 11ê teşrîna peyêne de zî heman dîmenî amebî dîyene. Dirbêsîye de şarî vera di konvoyanê leşkerî yê ke dewrîye gêrayêne, nêrazîbîyayîşê xo mojna û konvoyî eştibî kerrayan ver.  8ê teşrîna peyêne de zî Girkê Lege yê kantonê Qamişloyî û Dêrikî de şarî vera konvoya hempare ya tirkan û rûsan a ke dewrîye gêrayêne nêrazîbîyayîşê xo mojna. Heman roje û çalakîye de hêzanê tirkan ciwanêk bi nameyê Serxwebûn Elî qetil kerdibi. Hêrişî de 5 sivîlî zî birîndar bibî.