Xeta Serêkanîye-Til Temirî ya ke Dewleta Tirkan bi hawayekê giranî hêrişê ci kena, şarê herême vera îşxalî pîya xo ver dano. Herême ra Hecî Mihemedî îfade kerd ke ê nê îşxalî qebul nêkenê û vat: "Şarê ma yew o, armancê ma yew o, pawitişê ma zî yew o."
Hêrişê îşxalî yê Dewleta Tirkan û komanê aye yê El Qaîde, DAÎŞ û Îhvani Muslîmî dewam kenê.
Dewleta Tirkan a ke wazena bi îşxalkerdişê Vakur û Rojhelatê Sûrîye dewletêka terorî saz bika, bi giranî hêrişê xeta Serêkanîye-Til Temirî kena.
Dewanê Erîşa, Dawudîye, Sibata, Hewîşa, Ezîzîye û Mahmudîye de ke tîya hêrişê îşxalkeran ê peyênî giran ê, şervanê QSDyî û şarê herême pîya xo ver danê.
Îşxalkerî seba ke Til Temiro ke roniştoxê ci Ereb, Kurd, Asûrî, Suryanîyan ra yenê meydan, îşxal bikê hêrişê xo herême de giran kerdî. Vera hêrişanê îşxalî şervan û şarê herême xo ver danê.
Dewa Erîşa de babîyê 10 domanan Îdrîs Ebdulezîz Berkelî dest eşt çeke û erdê xo paweno. Berkelî pare kerd ke erdê înan ra ber cayêk çin o ke ê şorê û seba ameyoxê domananê xo erdê xo pawenê.
Berkelî vat: "Tîya erdê ma yo, ma mecbur ê ke ey bipawê. Rejîm ame la dima rema. Nika QSDyî ra ber kesêk tîya de nîyo."
Dewa Dawudîye ra Hecî Mihemedo Erebî zî vat: "Şarê ma yew o, armancê ma yew o, pawitişê ma zî yew o. Ez sere de Neteweyê Yewbîyayeyî venga her kesî dana ke nê hêrişan bivindarno. Zaf kesî neçar mendî ke wareyê xo biteriknê. Merdimî çol de manenê. Ganî hêrişî bêrê vindertene."
Dewa Sibata, Hewîşa û Mahmudîye de hêrişê hewayî û erdî yenê kerdene û şervananê QSDyî xîretê çeteyanê ke waşt debikewê dewe, çin kerdî. Şer herême de dewam keno.
