Hêrişê îşxalî yê dewleta tirke yê vera Rojawanî bêmabên dewam kenê. Netîceya hêrişan de domanî zî tede bi desan sîvîlî ameyî qetilkerdene, çimeyê debarî,nêweşxaneyî, firin, merkezê binawanîyan yenê hedef girewtene. Rixmê heme hêrişan şar vano do xover bido.

Xeyrîye Hesen nê vatî:  ''Dewleta tirke bi hêrişanê xo kena ma erdê ra vejo. Rixmê heme hêrişan ma xover danê. Çewî banê xo canêverdayî.  Ma wextê şorişî de tim waran de bî û slogananê ma yê xoverdayîşî erd û azmîn zilzilnayî. Nê hêrişî nê verên ne zî peyênî. Ma hinî tesr xo dima verdayo. Ma do vera hêrişan têkoşînê xo xurtêr bikerê.''

Mihemed Xelîlî zî wina vat: ''Hêrişê dewleta tirke yê vera şaran de dezgeh û sazgehanê ma zirar dî. Îdareyo Xoser cehd keno nê texrîbatan wedaro. Rixmê nê taxrîbat û zulmî şarî xover danê. Eslê xo de hêrişî çend zêdîyenî xoverdayîş zî xurtêr beno. Xoverdayîşê şaran hêrişanê dewleta tirke betal keno.''

Gelawêj Mihemed  zî ard ziwan ke şar hêrişê îşxalî yê dewleta tirke ra nêterseno û rêça şehîdan şino û nê vatî: ''Cinîyan, domanan û extîyaran qetil kenê. Danê nanê ma ro. Bi poltîkaya şerê taybetî kenê kenê şarî teslîm bigîrê. La ê se kenê wa bikerî do meeşkê zirar bidê manavîyatê şorişî. Şarê bi bedalan û dejanê girdan heta ewro ame. Na herre de şehîdê her keyeyî est ê. Ma bi têkoşînî rojê zorî xo dima verdayî û bi têkoşînî nê rojan zî xo dima biverdê.''

Hisên Ebdurrahmanî zî nê vatî: ''Dewleta tirke rixmê heme hêrişanê xo yê wehşîyan nêeşkayê îradeyê şaranê Rojawanî bişikno. Binawanîya herême hedef gena ke ma vêşan, têşan û bê ceyran biverdo. Ma vêşan têşan bimanê zî ma do herra xo bipawê.Dewleta tirke cehd kena bi polîtîkaya vêşanverdayîşî mabênê şarî û Îdareyê Xoserî abikero la şarê ma nê kayana nêxapîyeno. Şarî semedê xoverdayîşî bîyî yew û paştî danê Îdareyê Xoserî. Ma do pêro pîya bi yewbîyayîşî nê rojanê zoran xo dima biverdê.Xoverdayîşê şaran do hêrişanê dewleta tirke betal bikero.''