Erdlerzê Gemlîkî ra dima şarê Rojawanî seba ke rewşa Rayberê Şarê Kurdî Abdullah Ocalanî ser o agahîyî bêrê dayene çalakîyî kerdî.

Girkê Legê de bi nê armancî rayraşîyayîşêk ame kerdene. Rayraşîyayîş de sloganê sey ''Bê Serok jiyan nabe'' ameyî vatene. Dima eşkerayîye dîyaye. Eşkerayîye de ame waştene ke wa cade derheqê rewşa weşîya Rayberê Şarê Kurdî de agahîyî bêrê dayene.

Dêrik û Qamişlo de zî rayraşîyayîşan de posterê Rayberê Şarê Kurdî ameyî akerdene. Qiseykerdişan de ame vatene ke derheqê rewşa Rayberê Şarê Kurdî de tehlukeyî est ê. Çalakîyî bi sloganan qedîyayî.

Til Hemis de eşkerayîyêke ameye dayene. Eşkerayîye de venga rêxistin û dezgehanê heqanê merdiman ame dayene ke wa vera tecrîdê Îmraliyî vengê xo vejê.