Bi hezaran roniştoxanê Til Koçer, Dirbêsîyê û Girkê Legê vera hêrişanê dewleta tirke ya îşxalkere rayraşîyayîşî kerdî û vat: ''Tek rayîr xoverdayîş o.''

Çalakîyî serkêşîya cinîyan û ciwanan de ameyî kerdene. Çalakîyan de sloganê sey "Bijî Serok Apo" û "Bimre dewleta Tirk a faşîst" ameyî vatene. Qiseykerdişan de venga rêxistin û hêzanê mîyanneteweyîyan ame dayene ke wa nêbê hemkarê sûcanê şerî yê dewleta tirke ya îşxalkere û hêrişan vindarnê. Çalakîyan de bi wesîleya serrgêra Komployê 9ê Teşrîna Verêne ya 1998î tecrîdê vera Rayberê Şarê Kurdî Abdullah Ocalanî ame şermezarkerdene.

Çalakîyan de ame vatene ke şarê Rojawanî heta peynî paştî bidê QSDyî û xo ver bidê.