Şaredara Durangoyî Ima Garrastatxu û Hetkarê Şaredare Julian Riso Hemşaredara Kobanê Rewşene Xelîl Ebdî û Mesuldara Şaredarîya Kobanê Roîsîne Mehmûd de bi rayîrê onlineyî kombîyayîşêk kerd.

Durangoyî û Kobanê 2017 de peymana dostîye îmza kerdbî. Garrastatxuye û Riose waşt ke Tirkîya wa hêrişanê xo vindarnê. Ima Garrastatxu pêvînayîş de vat: ''Hêrişê ke şewa şemeyî dest pêkerd nênê qebulkerdene. Selahîyetdaranê kurdan ma rê vat ke hêrişî vera sivîlan, nêweşxane û bînayanê xizmetê şarî yenê kerdene. Ma agahîyan nêzdî ra teqîb kenê. Eşkera yo ke Tirkîya huqûqê mîyanneteweyî binpay kena. Ma wazenê her kes vera nê hêrişan têbigêro. Seba haştîye û demokrasî wext wextê xebitîyayîşî yo. Ma sey Durangoyî hîsanê xo yê paştdayîşî şarê kurdî rê şawenê.''

Rewşene Xelîl Ebdî zî Şaredarîya Baskî rê sipas kerd û ard ziwan ke planê dewleta tirke no yo ke pê nê hêrişan Kobanê veng bikera. Rewşene vat: ''Labelê xêrê paştdayîş û hetkarîya Durangoyî ra ma hîna zaf wayîrê moral û çêrî yê. Ma wina hîs kenê ke teyna nîyê.''