Seba gerîlayanê HPGyî Rênas Amed û Serxwebûn Timoqî yê ke 16ê sibata 2024î de Herêmanê Pawitişî yê Medya de şehîd bîyê merasîmê cenaza yo xîyabî ame kerdene.

Merasîm dewa Helîsa de ame kerdene. Endama Meclîsê Keyeyanê Şehîdan Sûrîya Hebeş merasîm de keyeyan û şarî rê serweşîye waşte. Sûrîya dîyar kerd ke ê do tim têkoşînê şehîdan rê dewam bikerê.

Hemserekê Meclîsê Îdareyî yê Kantonê Efrîn-Şehba Ferhan Kobanê zî ard ziwan ke domanê şarê kurdî seba azadîye ganê xo feda kenê û vat: ''Ma do vera îşxalî tim xo ver bidê û ser bikewê. Ma do erdê xo azad bikerê.''

Apê şehîd Rênas Amedî Sîdar Efrînî vat: ''Bi seyan Rênasê ma est ê ke ma do tim rêçê înan de şorê.''

Qiseykerdişan ra dima şehîdnameyî dîyayî keyeyan.