Meclîsê Kampa Serdemî yê Kantonê Şehba pê armancê şermezarkerdişê hêrişanê dewleta tirke ya îşxalkere yê vera Zap, Avaşîn û Metîna rayraşîyayîşêk kerd. Rayraşîyayîş de fotografê Rayberê Şarê Kurdî Abdullah Ocalanî û pankarta bi nuşteyê 'Biciwîyo xoverdayîşê çêranê ma yê koyanê azadan' ameyî kiriştene.

Endamê Îdareyê Meclîsê Kampa Serdemî Hesen Osmanî çalakîye de qisey kerd û ard ziwan ke ê do vera hêrişanê dewleta tirke têkoşînê xo rê dewam bikerê. 

Îdarekara Kongreya Starî Salîha Mihemed zî îfade kerd ke dewleta tirke tim hêrişê parçeyanê Kurdîstanî kena la raşta xoverdayîşê gerîlayan yena. Salîha da zanayene ke ê pê çêranê koyan sereberz ê.