Dewa Til Qerahî ya qezaya Ehdasî ya Şehbaya Rojawanê Kurdîstanî de ciwanan pê posteranê Rayberê Şarê Kurdî Abdullah Ocalanî rayraşîyayîş kerd û xoverdayîşê gerîlayan selam kerd.

Badê rayraşîyayîşî mîtîngêk ame kerdene. Mîtîng de bi nameyê Têgêrayîşê Ciwanan ê Şorişgêran Ehmed Hesenî qisey kerd.

Hesenî ard ziwan ke hêrişê îşxalî yê dewleta tirke yê vera Herêmanê Pawitişî yê Medya pûç yenê vetene û vat: Şexsê gerîlayan de şarê kurdî bitaybetî zî ciwanî yenê hedefgirewtene. Ma xeyrê fîkr û felsefeya Rayber Ocalanî faşîzmê dewleta tirke pûç vet. Ma do qetî verê îşxalkeran de milê xo çewt nêkerê.''

Hesenî bale ante sûcanê merdimîye yê dewleta tirke yê ke vera Efrînî yenê kerdene ser û vat ê do heta azadkerdişê Efrinî têkoşînî rê dewam bikerê.