Dima ke dewleta tirke adara 2018î de Efrîn îşxal kerd tewr tay 300 hezar merdimî derbazê Şehba û Helebî bîyî. Seba koçberanê Efrînî Kampê Berxwedan, Serdem û Şehba ameyî awankerdene.

Şarê kampan seba ke binê ablûqa û ambargoyê giranî de yp, rîyê zimistanî ra zî rojanê zehmetan anceno. Bi taybetî herêma ke binê ablûqaya Tumenê 4ine ya rejîmê Şamî de ya, gaz û malzemeyê xogermkerdişî çin ê coka felaketê pîlî qewimîyenê.

Seba ke sotemenîye çin a beno ke Nêweşxaneyê Efrînî û Til Rifetî, merkezê weşîye yê Heyva Sore ya Kurdîstanî do nêeşkê xizmet bidê. Seba ke destûr nêdîyeno ke dermanî derbazê kampan bibê meseleyê weşîye zî benê giranêr. Meseleya sotemenîye zî xizmetanê weşîye ana asta vindertişî.

Ablûqa û kêmîya sotemenîye ra karê zîretî zî zerarê pîlî vînenê. Citkarî seba ke ceyran çin o nêeşkenê berhemanê xo biramê.

Hetê bînî ra hêrişê dewleta tirke ya îşxalkere û cerganê ci zî bêmabên dewam kenê. Herême de dezgehê hetkarîya merdiman ê mîyanneteweyî kar nêkenê.