Şehba û Tebqa de bi hezaran kesan vera Komployê 9ê Teşrîna Verêne rayraşîyayîşê pîlî kerdî û pare kerd ke çew nêeşkeno îradeyê şarî pê hêriş û komployan bişikno.

Şehba de Kongreya Starî serkêşîya rayraşîyayîşê vera Komployê 9ê Teşrîna Verêne kerde. Rayraşîyayîşan de posterê Rayberê Şarê Kurdî Abdullah Ocalanî û pankartî ameyî akerdene. Rayraşîyayîş de Îdarekara Kongreya Starî ya Şehba-Efrînî Necahe Hisên û Îdarekara Yewîya Cinîyan ê Êzidîyan a Rojawanî Suade Hiso qisey kerd. Nînan vat ke şarê Rojawanî do tim wayîrê fikr û felsefeya Rayberê Şarê Kurdî vejîyê û paradîgmaya ey bîyarê ca.

Tebqa de zî rayraşîyayîş de Hemserekê Meclîsê Rayberdişî yê Îdareyê Sivîlî Mezlûm Omerî, Hetkara Serekê Partîya Ameyoxê Sûrîye Nuha El Şiêtî û Hemsereka Meclîsê Keyeyanê Şehîdan Foza El Mihemed qisey kerd. Nînan bale ante hêrişanê dewleta tirke yê vera Rojawanî ser û û pare kerd ke çew nêeşkeno îradeyê şarî pê hêriş û komployan bişikno.