Xalîde Şerîf û lajê ci Hejar Silêman 28ê tebaxe de Qamişlo de netîceya hêrişê dewleta tirke de şehîd bibî. Cenazayê dadî û lajê ci bi merasîmêkî ameyî definkerdene.

Girseyî cenazayî serê milan de berdî. Merasîm de Endamê Meclîsê Keyeyanê Şehîdan Kêfo Osmanî venga Neteweyanê Yewbîyayeyan (NY) da ke wa erkê xo bîyarê ca û hêrişanê dewleta tirke asteng bikerê.

Hemserekê Meclîsê Rayberdişî yê Cizîre Telat Yûnisî zî bêvengîya vera hêrişanê dewleta tirke şermezar kerdî û vat ke têkoşîn û xoverdayîşê nînan ê vera dewleta tirke do dewam bikerê.

Endama Koordînasyonê Kongreya Starî Şîraze Hemo dîyar kerd ke dewleta tirke qestî ra cinîyan kena hedef la ê do verê nê hêrişan bigêrê.

Qiseykerdişan ra dima şehîdnameyî dîyayî keyeyê dadî û lajî.

Keyeyî ra Egîd Qamişloyî vat: ''Hedefkerdişê dadîya mi û birayê mi karê Tirkîyaya tersoneke yo.''

Cenazayî bi tîlîlîyan û sloganê 'Şehîd Namirin' ameyî definkerdene.