Vera hêrişanê îşxalî yê dewleta Tirkî û çeteyanê ci yê vera Rojawanê Kudsitanî xoverdayîşo tarîxî yê şervananê QSD’yî dewam keno.

Dewa Wesîta ya Girê Spî de şervananê QSD’yî vera artêşa Tirkî û çeteyanê ci çalakîyêk viraşte. Çalakîya ke vera konvoyî ameye viraştene de leşkerêk ame kiştene û 5 zî birîndar bîyî. Reyna şervanan dewa Celbê ya ke bînşewe hetê leşkeranê Tirkî û çeteyanê ci ra ameyebî îşxalkerdene, xelisna. Dewa Kendalî de zî wesayîtêk pîya bi cepilxaneyo ke tede bi ame çînkerdene û wesayîteko bi tîpê BMB’yî ame derbkerdene.  Dewa Yargo ke mabênê Eyn Îsa û Girê Spî de ya de zî wesayîtêk ame çînkerdene. Şervananê QSD’yî Eyn Îsa de wesayîtêko doçka berkerde fîna dest.