Dewleta Tirkan a îşxalkere û cerganê aye roja 35. de vera Vakur û Rojhelatê Sûrîye hêrişanê xo dewam kenê.

Vera nê hêrişanê erdî û hewayî şarê herême û komê bawerîye seba pawitişê xo xoverdayîşêkê pîl kenê. Til Temirî de şarê asûran, sûryanan, kurdan, ereban û armenan ciwîyenê û nê rojanê peyênan de rastê zaf hêrişan ameyî. Hêzanê pawitişê şarê asuran û sûryanan wezîfeyê pawitişê erd û şarê xo girewt.

Meclîsê Leşkerî yê Sûryanan û Hares El Xabûr (Pawitoxê Xabûrî) ANFyî rê behsê xoverdayîşê xo kerd. Şerwan Mehmûd Salîhî vat: "Ma tîya de tewr zaf şarê ma xrîstîyanan pawenê la ma şaranê bînan zî pawenê. Vera pêro komployan ma do şarê xo bipawê. Yarob Dawûdî  vat: "Me vera cergan erdê xo pawenê. Cepheyan de ma reya verêne şarê xo pawenê. Her roje cayê sivîlan yenê bombavarnayene. Ma do erdê xo bipawê û ma bedelê nê zî bidê."Şerwan Davîd Muhanî vat: "Ma ser o hêrişanê giranan kenê. Ma wayîrê nê erdî yê û ma do erdê xo bipawê. Ma şarê xo pawenê. Dewleta Tirkan ma ser o bombayan varnena." Şerwan Mehmûd Cumayî vat: "Hêrişan ra şarê ma nika dewanê Xabûrî de ciwîyenê. Ma erd û namusê şarê xo pawenê."Hawro Ceymîyî vat: "Ma tîya de şarê xo û erdê xo pawenê. Çunke tîya de ma sey ereban, kurdan, asûran, sûryanan pîya ciwîyenê. Nê hêrişî vera ma pêroyînan yenê kerdene."