Dewleta Tirkan a îşxalkere û cerganê aye galanê xo yê vera Vakur û Rojhelatê Sûrîye dewam kenê. Vera galanê cepheyê Eyn Îsayî yê ke bêmabên yenê kerdene, şerwanê QSDyî bingeyê pawitişê meşrûyî de xo ver danê. Şerwanê QSD nîşan kenê ke do heta peynîye erdê xo bipawê.

Şerwanê QSDyî Nîmîr Reqa yo ke hêzananê Reqe ra yo ard ziwan ke ê erdê xo pawenê û vat: “Ma çarçewa stratejî ya ke ameya nîşankerdene û heqê pawitişê meşrûyî de tevgerenê. Înan galê dewa Bîr Îsayî kerd, ma zî cewab da galê înan û dewe înan ra kerde pak. Ma erdê xo pawenê û ma do na yewe ra çirey fek vera medê.”

Şerwanê QSDyî Bahoz Kobane nîşan kerd ke kurd, ereb, suryanî vera galanê îşxalî yê DewletaTirkan xo ver danê û vat: “Heta ke galê Dewleta Tirkan û yê cerganê aye dewam bikerê xoverdayîşê ma zî dewam keno. Ma do înan erdê xo ra vejê. Xora pêro galê înan seba çinkerdişê şarê kurdan o. Na mintiqa de hêzê ma yê şarî yo xurt esto. Ma pêro galanê înan ê ke teyareyanê şerî zî gurenenê şiknenê. Her ke ê gal kenê ma cad kenê ke derbanê giranan biderê înan ro. Heta ke îşxalkeran erdê xo ra vejê ma do xo ver bidê.”

Şerwanê QSDyî Delhatî zî nîşan kerd ke galanê vera erdê xo do qebul mekerê û vat: “Dewleta Tirkan û cergê aye seba ke dewan û rayîrê mîyanneteweyî îşxal bikerê gal kenê. Ma zî cewab da galanê înan. Ma dewî înan ra kerdî pak. Ma do meverdê ke erdê ma îşxal bikerê.”