Herêma Hecînî ke herêma tewr peyên a ke sînorê Sûrîye-Iraqî de destê çeteyanê DAÎŞî de menda operasyonê pakkerdişî yê Hêzanê Demokratîkan ê Sûrîye (QSD) dewam keno. Rîyê firtineyanê qûmî yê ke nê rojanê peyênan de vejîyayî ra xeylî nuqteyan de pêkewtişê bişidetî virazîyayî.

Şerwanê ke tewrê hemle bîyê û zafê înan Dêra Zor û Hesekê ra yê, verî bi hawayêkê raştê zulmê DAÎŞî ameyê. Zafê înan yan merdimê înan yan zî keyeyê înan ra çend kesî hetê çeteyan ra ameyê qetlkerdene. 

Şerwanê QSDyî yê bi nameyê Fadî Hilêlî ke keyeyê ci û merdimanê ci ra 25 kesî Şedadê de hetê çeteyan ra ameyê qetlkerdene vat: “Çeteyan keyeyê mi ra 25 kesî qetl kerdî. Ez seva girewtişê qesasê înan şerr kena. 2016 ra yo ke ez YPG de cayê xo gêna. Mi verî çend herêmanê bînan de ca girewt û ewro zî Hemleya Dêra Zore de ca gêna.”

Şerwanê QSDyî yê bi nameyê Elwan Şerabîyî zî ard ziwan ke înan na hemle bi vengdayîşê şarê Dêra Zorî daya destpêkerdene.

Şerwanê bi nameyê Ronî Şihêtatî ke vat ê bi moralêkê berzî sefanê QSDyî de erdanê xo pawenê peynî de wina vat: “Ma seva erdanê xo, namûs û şerefê xo şerr kenê. Seva ke dejanê şarê xo derman bikerê û terorî biqedênê şerr kenê.”