Fermandarîya Pêroyî ya YPGyî da eşnawitene ke şervanê înan Ayhan Koç (Rûbar Erzîngan) rîyê nêweşîya kanserî ra 23ê hezîrane de şehîd bîyo û nê vatî:

''Şorişê Rojawanî bi bedalanê girdan tarîxê merdimîye de nameyê xo nuşt û pê destananê qehremanan bi şorişê heme Kurdîstan û dinya. Bi hezaran ciwanê kurdan nê prosesê 10 serran ê şorişî de tewrê sefanê xoverdayîşî bîyî vera çeteyan û îşxlakeran ganê xo kerd mertal. Qehremanîya şervanê YPJ-YPGyî rê heme dinya şahîdîye kerde.

Hemrayê ma Rûbar Erzîngan zî nê qehremanan ra yew bi. Hemrayê  Rûbar wexto tewr krîtîk ê şerê Rojawanî de Vakurê Kurdîstanî ra tewrê şorişî bi û vera çeteyan şarê xo pawit. Hemra Rûbar kesêko mutevazî û fedaker bi, coka zerrîya hemrayan û şarê xo cayê xo girewt. Hemrayê ma yo ke wextê peyênî yê têkoşînê xo de kanser bi goreyê şertanê şorişî hem tedawî bîyênî hem zî xebatê xo domnayene. Hemrayê Rûbar 23ê hezîrane de tewrê kerwanê şehîdan bi.

Ma do têkoşînê hemrayê xo Rûbarî bidê domnayene û şerê şarî yê şorişgêrî xurtêr bikerê. Vera tehdît û hêrişanê dewleta tirke ma ganî pîya bi şarê xo welat û destkeweyanê şerişê xo bipawê. Ma wina eşkenê bibê layîkê şehîdan û ameyoxê azadî înşa bikerê.

Zanayîşê nasnameyê şehîdî wina yê:

Nameyê Qodî: Rûbar Erzîngan

Name û Peyname: Aykan Koç

Nameyê Maye: Husnîye

Nameyê Pîyî: Bînalî

Cayê Bîyayîşî: Erzîngan

Tarîx û Cayê Şehadetî: Hesekê/ 23ê hazîrana 2022yî

Ma şexsê şehîd Rûbarî de heme şehîdanê xo yê qehremanan yad kenê û keyeyê şehîd û şarê xo rê serweşîye wazenê.''