Rayberê Şarê Kurdî Abdullah Ocalanî vizêr kewt serra 71. 4ê Nîsane  heman wextî de serrgêra ronayîşê Yewîyanê Pawitişê Cinîyan (YPJ) ya 7. bîye.

Şerwananê YPJyî fermandaranê xo reyde bi wesîleya roje merasîmêk serûber kerd. Merasîm beşdarîya zaf şerwanan û Fermandara YPJyî ya Herêma Cizîrî Rojda Şîyar ame kerdene. Fermandar Rojda Şîyar şerwanan reyde qisey kerd û 4ê Nîsana şarê kurdî û Rayberê Şarê Kurdî Abdullah Ocalanî fîraz kerd.

Fermandare Rojda Şîyar vat: ''Rojbîyayîşo 71. yê Serekî seba ma rojbîyayîşê merdimîye û rojbîyayîşê şarê kurdî yo. Rojbîyayîşê Rayber Apoyî seba cinîyan mîladêko newe yo. Rayber Apo nika her çiqas mabênê çar dêsan de zî bibo ma fikr û hîsanê ey reyde benê yew. Coka ma vanê 'Bê serek cuye nêbena' ''

Dima şerwanan leyê daran nayî ro.

Şerwanêka YPJyî armancê înan ê ronayîşê daran ser o vat: ''Rojbîyayîşê Serekatîye têna rojbîyayîşê kesayetêkî nê, rojbîyayîşê merdimîye yo. Ewro serrgêra ronayîşê YPJyî ya zî. Ma na roje daranê azadîye û estbîyayîşî nanê ro.''

Şerwananê YPJyî dima pîya roniştî û deyîrî vatî.