Federasyonê Vakur û Rojakewtena Sûrîya yo ke wayîrê erazîyanê hîrayan ê citkarîye yo,  de demo peyên de xeylî şewatê bişikî vejîyayî.

Tewr peynî de Reqa de 28 donimê erazîya citkarî vêşaye. Berpisîyaranê Midurîya Citkarîye ya pabesteyê Meclîsê Sivîlî yê Reqa ra  Heyder El- Mûsa ard ziwan ke erazîyê citkarîye yê ke bingeyê ekonomîya herême yê yeno waştene ke bi şewatan çîn bibê û wina dewam kerd: ‘’Hêzê dişmenî bi vêşnayîşê erazîyanê citkarî wazenê ke ekonomîya ma cum bikerê. Emser varayîş holbî û mehsul goreyê pawitişê ma yo. La tayî hêzê ekonomîya ma bi şewatan hedef gênê. Ma do rizqê şarê xo bipawê. Bi paştdayîşê yewbînan şewatan hewna bikerê.’’

Meclîsê Rayberdişî yê Herêma Cizîr zî da zanayene ke şewatî ekonîmî hedef gênê. Peynîya hewteyî de qezayanê Til Hemîs û Tirbêsipîyê yê Qamişlo, qezaya Dirbesîyê ya Hesekê û herêma Cizîrî de Amûde û Til Koçer de şewatî vejîyayî. Şewatan de xeylî erazîyê citkarî vêşayî bîyî wele. Şewato tewr gird zî Tirbespîye de vejîya.  Şerwanê YPJ û YPG’yî zî tewrê hewnakerdişê şewatî bîyî. Şewat de 100 donimî çîn bîyî.