Bi wesîleya serrgêra 10. ya Şorişê Rojawanî keyeyanê şehîdan ê Efrîn û Şehba coşê xo û fikrê xo ANFyî rê pare kerdî.

Endama Keyeyanê Şehîdan Hêvîye Silêman vat: ''Şorişê 19ê Temmuze seba pêro şaranê Rojhelatê Mîyanênî bi modelêk.  Nika pêro şarê azadîgîrî nê modelî tesdîq kenê û xo rê sey mîsalî gênê. Şîarê dadîyanê Efrînî 'Ma bê domanan ciwîyenê la bêrûmetî nêciwîyenê' Şorişê Rojawanî îfade keo. Ganî ma sey şaranê herême vera hêrişanê dewleta tirke yewî û paştdayîşê xo awan bikerê.''

Babîyê di şehîdan Ehmed Ebdoyî vat: ''Şarê herême û şarê kurdî hewceyê şorişêkê winasênî bîyî. Eke Şorişê Rojawanî yê 19ê Temmuze nêameyêne kerdene nika ma binê çinkerdişî de bibîyêne. Şorişê 19ê Temmuze bi xelasê şaranê herême.'' 

Endamê Keyeyê Şehîdan ê Şehba Mihemed Wiloyî vat: ''19ê Temmuze wisaro raştikên bi. Şaranê herême dormeyê Şorişê 19ê Temmuze de yewîya xo awan kerde. Şorişî hêvî daye şaran coka şarî wayîrê ci vejîyayî.''

Emele Hisên vat: ''Şorişê 19ê Temmuze şorişê azadî, têdûştî û azadîya cinîyan o. Pêro dinya deyndarê şorişî yo. Xêrê Şorişê Rojawanî ra dinya DAÎŞî ra xelisîyaye. Nê şorişî reyde komel hînî zaneno ke cinîyî eşkenê her ca de serkewtişî bivisnê destî.''