Herêma Firatî de 10ê êlule de termînê perwerde û banderîye dest pêkerdbi. Hemserekê Heyetê Perwerde û Banderîye yê Herêma Firatî Bekîr Ceradêyî derheqê babete de ANFyî rê qisey kerd.

Ceradêyî ard ziwan ke rixmê hêrişanê dewleta tirke ya îşxalkere zî înan termînê verênî de serkewtişêko hol vistbi destî. Ceradêyî da zanayene ke qasê 3 hezar û 570 mamostan û 70 hezar wendekarê înan est ê. 

Ceradêyî pare kerd ke seba termînê neweyî înan xeylêk komxebat û kombîyayîşî kerdê û vat: ''10ê êlule de termînî dest pêkerd. Şorişê Rojawanî ra dima şorişê ziwanî zî qewimîya. Herêma Firatî de bi erebkî û kurdkî perwerde yeno dayene. Materyalê perwerdeyî zî hetê Îdareyê Xoserî ra yenê amadekerdene. Şorişê ziwanî de gamê pîlî ameyî eştene û gamê hîna pîlî do bierzîyê.''